Madridista Card教學

球迷會會員: 球迷會就黎招募,我見佢有個會員係平d,但要係Madridista… 咩黎架?
球迷會主席: 睇左皇馬咁耐,你唔係重未成為Madridista 呀?
球迷會會員: 弱弱一問…….乜嘢係Madridista 呀?
球迷會主席: Madridista 其實係皇迷嘅統稱,而網站上面呢個Madridista Card,簡單啲講就係皇馬課金會員!不過呢個係西班牙皇馬官方嘅國際會員!除咗可以自我感覺良好外,更加可以享受一系列皇馬嘅專屬優惠。
球迷會會員: 再弱弱一問….咁佢地同你香港球迷會又有乜嘢分別啊?
球迷會主席: 其實我哋係香港皇迷嘅自發組織,之後由於向皇馬申請認可,於是被皇馬受與負責部分地區服務,因為皇馬再神通廣大, 都好難支援到全世界嘅球迷,所以我哋喺皇馬內部有登記,而運作亦要受皇馬規管。我哋香港球迷會會為自己嘅會員提供服務或者一啲地區優惠,另外我哋都有同世界各地嘅嘅皇馬球迷會聯絡,希望可以將更多有用嘅資訊帶到俾大家!
所以你支持皇馬Madridista嘅同時,唔好唔記得都要支持我哋香港球迷會啊,咁樣我哋先至可以帶到更加多嘅優惠俾大家😊。
詳細Madridista 嘅offer你就自己官網睇,我實際啲同你分享下我哋最直接咁Enjoy 到啲乜😉:

  • 年年一張官方新卡印埋你個大名(Madridista Card)
  • 每年一份非常靚仔嘅續卡禮物(自己要留意季頭定季尾申請,因為續卡時間通常係來年同日,而你份禮物佢係喺你續卡俾錢之後先寄俾你, 當年我記得有份禮物好靚仔,心急嘅我就做咗季尾的孩子👶🏻, 如果你選擇新一季先申請,咁你之後就年年都可以做早嗰批享受 😎,溫馨提示而家申請已經係新一季嘅禮物啦)
  • Real Madrid Online store 85折 (就算佢做緊特價都可以再折)
  • 全線皇馬官鋪全單95折 (拎住非EU passport買夠€25仲可以退稅)
  • 主場比賽可以比公眾早3日買門票
  • Lucky Draw (皇馬自動抽,抽中有email通知,D奬品真心正,不過地獄黑仔王嘅我都唔係浪得虛名,期望你中咗獎就嚟分享下)
  • Bernabeu Tour 皇馬主場自由行都有折 (一張飛都平HKD 40-50,不過暫時就冇機會😈………..住啦!等去新既電飯煲啦lol )
  • Bernabéu stadium 食嘢買嘢都有折
  • 另外佢哋仲有一個叫做Special Madridista,簡單啲來講就係皇馬高級國際會員(年費€60,平時一般果啲係€35),做左會有特別版迎新禮物包之外,仲會有一年4本既季刊,雖然係西班牙文但是剩係入面張poster我都覺得值回票價嘅,要明嘅就明👻。
    另外你要留意:
    madridista身份係每年自動續卡,簡單啲講即係話你第一次用信用咭俾錢後,下一年皇馬會自動喺同一張卡扣錢,如果你張信用卡之後過咗期,佢就會扣唔到錢,咁個會籍就會斷咗㗎啦(咁當然要申請返都好簡單,Send個email俾佢哋再俾錢就得㗎啦🙂)。
    仲有仲有…
    間中申請入會皇馬會免費送三個月俾你或者半價,自己留意官網最新update😉!
    Madridistas官方介紹: https://www.realmadrid.com/en/fans/madridistas/international
    球迷會會員:: ok,依家即刻馬上去申請😉。